Shtyhet fjala përfundimtare për gjykimin e deputetit të LDK-së për privatizim të fabrikës

Nuk është dhënë fjala përfundimtare në gjykimin ndaj deputetit Naser Osmanit, i cili së bashku me 7 persona tjerë po akuzohet në lidhje me privatizimin e fabrikës “Fan” në Podujevë.

Fjala përfundimtare e paraparë për sot ka dështuar për shkak se prokuroja, Fikrije Fejzullahu, nuk kishte arritur të përgatitet për fjalën të. Ajo ka kërkuar më shumë kohë që të analizojë marrëveshjen e zotimeve, e cila ishte përkthyer në gjuhen shqipe.

Marrëveshja në fjalë ishte dërguar për përkthim dhe për shkak se nuk u kishte arritur të gjitha palëve me kohë, prokuroja nuk kishte arritur që të përgatitej për fjalën përfundimtare.

Gjykimi për privatizimin e fabrikës “FAN” është njëri nga rastet e shenjëstruar për liberalizimin e vizave.

Në këtë rast gjyqësor, Naser Osmani bashkë me 6 persona të tjerë po gjykohen në lidhje me privatizimin e fabrikës “Fan” në Podujevë.

Në kohën për të cilën akuzohet, deputeti Osmani ka qenë anëtar i Bordit të Agjencisë Kosovare të Privatizimit

Përveç tij, pjesë e gjykimit janë edhe Bahri Shabani, Melita Ymeraga, Shkëlzen Lluka, Naim Avdiu dhe Adrian Kelmendi (të gjithë zyrtarë të AKP-së), si dhe biznesmeni Agim Deshishku si blerës i fabrikës “Fan”.

KALLXO.com e ka përcjellë në vazhdimësi këtë proces.