Policia ndalon furgonin për kontrabandë me qenie njerëzore
05.11.2018 - 11:06
Policia e Kosovës ka ndaluar dje në fshatin Morinë të Gjakovës një furgon me tabela vendore i cili dyshohet të ketë bërë kontrabandë me qenie njerëzore.
Policia ka njoftuar se vozitësi i furgonit ka transportuar nga territori i Shqipërisë në territorin e Kosovës shtatë persona të dyshuar, gjashtë burra dhe një grua.
Tutje policia ka sqaruar se pasagjerët e kanë kaluar kufirin në këmbë.
Me vendim të prokurorit, shtatë pasagjerët pas arrestimit janë dërguar në Gjykatën për Kundërvajtje në Gjakovë, ku u janë shqiptuar dënimet me gjobë.
Me urdhër të gjykatës, pasagjerët janë dërguar deri në pikën kufitare në Vërmicë, e më pas kanë kaluar në territorin e Shqipërisë,
Vozitësi i furgonit vazhdon të hetohet nga policia.