Foto: Ilustrim
Për një ditë, pesë raste të zjarreve në Kosovë
Pesë raste të zjarreve janë raportuar vetëm gjatë ditës së djeshme nga ora 8 në mëngjes deri në orën 17 pasdite.
Një fabrikë e plastikës është përfshirë nga zjarri në Shtime.
Policia ka sqaruar se për shkaqe ende të panjohura është përfshirë nga zjarri një fabrikë e plastikes. Njësitë përkatëse kanë dalë në vendngjarje ndërsa njësiti i zjarrfikësve ka lokalizuar zjarrin.
Në vendngjarje kanë dalë edhe njësitë e KED-it dhe eksperti i zjarrit. Përpos dëmeve materiale policia nuk ka raportuar për të lënduar.
Në Podujevë ankuesi ka raportuar se në rrethana të panjohura është përfshirë nga zjarri prona e tij e mbjellë me mjedra.
Në dy raste, Kamenica është përfshirë nga zjarri.
Dhjetë hektarë pyll është përshirë nga zjarri pasditen e djeshme ndërsa shkaqet sipas policisë janë të panjohura.
Edhe një rast tjetër i zjarrit ishte raportuar në mëngjesin e djeshëm në Kamenicë. Policia ka njoftuar se për shkaqe të panjohura nga zjarri është djegur një pjesë e malit dhe një fidanishte.
Në Gjilan, është raportuar se për shkaqe të panjohura është djegur një stallë e kafshëve.
Zjarrfikësit kanë lokalizuar zjarrin.
Sipas viktimës dëmet materiale janë te konsiderueshme ndërsa policia nuk ka raportuar për të lënduar.