Foto-ilustrim
Në Spitalin e Ferizajt Vdes Nëna me Fëmijën e saj
Në Spitalin Rajonal të Ferizajt mbrëmë ka vdekur një nënë shtatzënë bashkë me foshnjën e saj.
Bajram Syla, shefi i Repartit të Gjinekologjisë në këtë spital tha se shtatzëna kishte probleme me zemrën.
“Pacientja ka ardhë në spital me arrest kardiak që është ndalje e zemrës dhe është mundu me u reanimu në Emergjencën e Ferizajt, ndërkohë është thirrë gjinekologu kujdestar me konfirmu gjendjen e bebes“, tha ai për KALLXO.com.
Doktori Syla tregoi se ekipi mjekësor është munduar ta shpëtojë foshnjën, duke e futur gruan shtatzënë në operacion, por shpëtimi sipas tij ka qenë i pamundur për shkak të komplikimeve kardiake.
Më herët KALLXO.com kishte shkruar për rënien e vdekshmërisë së foshnjave dhe shtatzënave në Kosovë.
http://kallxo.com/bie-vdekshmeria-e-nenave-dhe-foshnjave-ne-kosove/