Aparate të lojërave të fatit | Foto: KALLXO.com
Mbyllen 11 Lokale të Lojërave të Fatit
10.6.2016 - 15:33
Policia e Kosovës bashkë me Doganën e Kosovës dhe Administratën Tatimore të Kosovës kanë ndërmarrë një aksion për bastisjen e lokaleve të lojërave të fatit që dyshohen se i janë shmangur tatimit.
Lajmin për KALLXO. com e konfirmoi zëdhënësi i Policisë së Kosovës Baki Kelani, pa dhënë detaje për aksionin.
Në këtë aksion sipas raportit të policisë janë sekuestruar 25 aparate të lojërave të fatit, 4 kompjuterë dhe 1800 euro para.
Mbyllja e këtyre lokaleve është bërë nën dyshimet për organizim të skemave piramidale si dhe shmangien nga tatimi.
Dy të arrestuarve u është caktuar ndalimi policor.