Kroacia gjen trupa viktimash, dyshohet të jenë nga Lufta e Dytë Botërore

Zyrtarët lajmërojnë se një total prej 25 trupash personash të dyshuar se kanë vdekur në Luftën e Dytë Botërore ose në periudhën pasluftës u zhvarrosën në korrik në kryeqytetin kroat.

Zyra Kroate për të Burgosurit dhe Personat e Zhdukur, pjesë e Ministrisë së Veteranëve të Luftës, tha të mërkurën se eshtrat e të paktën 25 personave u gjetën gjatë gërmimeve në Zagreb midis 16 dhe 27 korrikut.

Eshtrat njerëzore u gjetën në dy varre masive dhe një varr individual, të ndodhur në një park në lagjen Vrbik të Zagrebit.

Shqyrtimi fillestar i terrenit, duke përdorur qen të trajnuar posaçërisht dhe radarët gjeo, filloi pasi zyrtarët morën informacione nga publiku se viktima nga Lufta e Dytë Botërore ose periudha e pasluftës mund të gjendeshin aty.

Eshtrat do të transferohen në departamentin e mjekësisë ligjore në Shkollën e Mjekësisë të Zagrebit, ku do të studiohen dhe më pas do të varrosen siç duhet.

Zyra për të Burgosurit dhe Personat e Zhdukur ka lajmëruar zhvarrime të mëtejshme në të njëjtin vend.