Komuna Mohon se po Liron Sheshet për Protestën
08.1.2016 - 12:48
Zyrtari për informim i Komunës së Prishtinës Erzen Vraniqi tha se heqja e zbukurimeve dhe tregut nuk ka të bëjë me protestën e nesërme, por kaq ishte afati i tyre.
“Afati për t’u mbajtur zbukurimet dhe shtëpizat e tregut në shesh ishte deri më 8 janar,”tha Vraniqi.
Dy sheshet e Prishtinës “ Skënderbeu” dhe “ Zahir Pajaziti”, u zbukuruan nga Komuna e Prishtinës.
Opozita nesër do të mbajë një protestë në Prishtinë ku pritet të kërkojë dorëheqjen e qeverisë, pas vendimit të Gjykatës Kushtetuese të 23 dhjetorit 2015 që parimet e Marrëveshjes për Asociacionin e Komunave Serbe i konsideron jo krejtësisht në pajtim me frymën e Kushtetutës së Kosovës.