Foto: Ilustrim
Gjendet një person i vdekur në Gjakovë
24.4.2018 - 10:38
Sot në mëngjes në Rrugën Gjakovë- Goden është gjetur një person pa shenja jete.
Policia bën me dije se është njoftuar në orën 07 e 50 të mëngjesit të sotëm se në një makinë ndodhet një person që dyshohet se është i vdekur.
“Patrullat policore me të gjitha njësitë menjëherë kanë dalë në vendin e ngjarjes dhe kanë kuptuar se personi që ishte në automjet ishte pa shenja jete”, thuhet në njoftimin e policisë.
Policia po e heton këtë vdekje në bashkëpunim me prokurorinë.
Edhe në prill të vitit të kaluar KALLXO.com shkroi për një person të vdekur të gjetur në Gjakovë.