Dy të lënduar në aksidentin në magjistralen Prishtinë- Fushë Kosovë
02.11.2018 - 20:39
Një aksident trafiku ka ndodhur sonte në rrugën Prishtinë – Fushë Kosovë, pranë pikës së karburanteve “Kastrati”.
Në aksident janë përfshirë dy vetura, një “Passat” dhe një “Mercedes”.
Sipas zëdhënëses së policisë në rajonin e Prishtinë Florie Ahmeti, nga ky aksident kanë mbetur dy persona të lënduar.
“Aksidenti ka ndodhur rreth orës 17:30. Si pasojë e aksidentit janë lënduar dy persona. Të njëjtit janë dërguar për tretman mjekësor”, tha Ahmeti.
Me rastin po merret njësiti i trafikut.
