Behgjet Pacolli ngushëllon për vrasjen e policit në Istog
Ministri i Ministrisë së Punëve të Jashtme, Behgjet Pacolli ka reaguar për vdekjes së policit në Istog.
Ai në një postim në Facebook ka ngushëlluar familjen e policit.
“Pas një tentimi për plaçkitje në një bankë në Istog, ka mbetur i vdekur edhe një Polic i Kosovës. Ngushëllimet e mia më të sinqerta familjes, miqve dhe kolegëve të tij”, ka shkruar Pacolli në facebook.
KALLXO.com raportoi më herët për vrasjen e policit në Istog.
Lajmin për vdekjen e policit e ka konfirmuar edhe prokurorja Sahide Gashi.
“E kemi këtë informacion edhe ne jemi duke shkuar në vendin e ngjarjes”, ka thënë Gashi për KALLXO.com.
Edhe një person ka mbetur i vrarë në qendër të Istogut.
Këtë e kanë konfirmuar zyrtarë të Policisë për KALLXO.com.
Bëhet e ditur se një polic ka mbetur i plagosur gjatë përleshjes me armë zjarri, por nuk dihet për gjendjen e tij shëndetësore.
https://kallxo.com/vdes-polici-i-plagosur-ne-istog/