Agim Bahtiri
Bahtiri Reagon për Zjarrvënien në QKFM-në në Veri të Mitrovicës
Qendra e Mjeksisë Familjare në Veri të Mitrovicës , dhe paralelja e shkollës “ Azis Sylemajni” në lagjen “ Kodra e Mintorëve” janë thyer dhe ju është vënë zjarri.
Kryetari i Komunës së Mitrovicës, Agim Bahtiri ka dënuar ashpër thyerjen dhe zjarrvënien në Qendrën e Mjeksisë Familjare në Veri të Mitrovicës, dhe në paralelen e shkollës “ Azis Sylejmani” në lagjen “Kodra e Minatorëve” në pjesën veriore të Mitrovicës.
Bahtiri ju ka bërë thirrje organeve gjegjëse që sa më shpejtë të identifikojnë dhe të dënojnë kryersit e këtyre veprave.
“Rastet e tilla janë të papranueshme, pavarësisht se cilit nacionalitet i takojnë, andaj lus edhe kryetarin e Veriut të Mitrovicës Goran Rakiq, që të dënoj këtë rast sepse ngjarjet e tilla e rëndojnë jetën e qytetarëve në veri” , thaBahtiri.
Bahtiri është shprehur se çfarëdo sulmi apo pengese “ nuk do të na ndal që të jemi pranë qytetarëve tonë kudo që të jenë dhe duke ju ofruar shëbime sa më cilësore dhe sa ma afër shtëpive të tyre”.