Sot zhvillohet ndeshja e dytë e finales ndërmjet Golden Eagle Yllit dhe Trepçës

Sot me 12.05.2024 në Suharekë me fillim nga ora 17:00 zhvillohet ndeshja e dytë e finales në basketboll ndërmjet Golden Eagle Yllit dhe Trepçës.

Ndeshja e parë që u zhvillua në “Minatori” të Mitrovicës u mbyll me fitoren e Trepçës me rezultat 77:68.

Therandasit synojnë fitoren për të barazuar serinë finale në 1:1, derisa ‘Xehetarët’ për fitore e 0:2, që do t’i afronte më shumë drejt titullit të kampionit.

Ylli synon titullin e kampionit, që do të ishte i treti në histori, kurse mitrovicasit të fitojnë titullin e parë pas vitit 2012. Kujtojmë, që Trepça ka fituar Kupën, Superkupën dhe Ligën Unike, duke kërkuar trofeun e katërt për këtë edicion.

Skuadra nga Theranda në çerekfinale të “Play-off”-it eliminoi Bashkimin 2:0 dhe Pejën në gjysmëfinale 3:2, derisa Trepça eliminoi Sigal Prishtinën 3:0.

Mitrovicasit ishin liderë në garat e rregullta me 25 fitore e tri humbje, derisa therandasit në vendin e tretë me 19 fitore e nëntë humbje, aq sa kishte edhe Peja e dyta.

Deri më tani në të gjitha garat janë përballur gjashtë herë, ku katër fitore i kanë takuar mitrovicasve.