Aktori Mensur Safqiu flet për shoqërimin në polici

Aktori Mensur Safqiu është arrestuar gjatë ditë së sotme për mospërfillje të urdhrave të policisë dhe për bllokim të një rruge njëkahëshe.

Ai është liruar në procedurë të rregullt ndërsa i janë shqiptuar dy fletëparaqitje, njëra për vozitje në rrugë njëkahore dhe tjetra për mosbindje ndaj policisë.

KALLXO.com ka kontaktuar aktorit për të sqaruar ngjarjen e cila dërgoi atë deri tek arrestimi.

Sipas tij, e gjitha filloi deri sa ishte duke udhëtuar me veturë për punë dhe ka hyrë gabimisht në një rrugë njëkahëshe.

“Ka ndodhë në rrugën e “Muhaxherëve”, kam hy në rrugë në njëkahje, ajo ka qenë rrugë dykahëshe dikur, se di çka më ka folë truri që jam hy edhe është blloku komunikacioni. Ishte mëngjes edhe njerëzit e revoltuar për punë edhe unë i revoltuar për punë të mia. Ai (duke thënë) unë kam të drejtë e unë ‘edhe unë kam të drejtë’. Ai ishte pak gjaknxehtë më provokojke edhe mu pastaj, erdhi policia e unë tu mendu që unë kam të drejtë edhe me policinë u silla pak keq edhe më morën deri në stacion. Shkova e dhashë deklaratën, tash jam në shtëpi”, shpjegon rastin aktori Safqiu.

I pyetur në lidhje me disa lëndë të lëngshme të dyshuara të cilat u gjetën në veturën e tij, Safiqu tha se kanë qenë shishe me ujë.

“Nuk ka, ato substanca të lëngshme janë kanë shishe të ujit, ata kanë të drejtë me dyshu çka të donë sepse e panë edhe ata që u silla pak keq”, tregoi Safqiu.

KALLXO.com gjatë ditës së sotme raportoi në lidhje me arrestimin e njërit ndër tre aktorët kryesorë të grupit të njohur të humoristëve kosovarë “Stupcat”.

http://kallxo.com/shoqerohet-ne-polici-mensur-safqiu/

http://kallxo.com/mesohet-arsyeja-e-shoqerimit-ne-polici-te-aktorit-mensur-safqiu/

http://kallxo.com/lirohet-aktori-mensur-safqiu/