Agim Bahtiri rrok sharkinë, i këndon luftës për Mitrovicën
Kryetari i Komunës së Mitrovicës Jugore, Agim Bahtiri, i ka kënduar me sharki qytetit të tij dhe atdhetarëve të kësaj ane.
Bahtiri i është bashkuar një grupi shahirësh në një ndejë për t’i kënduar Mitrovicës, Isa Boletinit e Adem Jasharit.
Në një video që e ka publikuar Live në profilin e tij, Agim Bahtiri shihet duke i rënë sharkisë dhe duke i kënduar të gjitha këngët bashkë me grupin e këngëtarëve.
Kryetari Bahtiri ka marrë një nismë për bashkimin e Mitrovicës, e ndarë në veri dhe jug.
Rreth kësaj nisme, ai ka marrë mbështetjen e presidentit Thaçi e të kryeparlamentarit Veseli.
Ditë më parë, Bahtiri tha se nëse dikush tenton ta prekë Mitrovicën do të bëhet luftë që nuk është parë kurrë.
https://kallxo.com/agim-bahtiri-paralajmeron-lufte-nese-preket-mitrovica/
www.kallxo.com