Napoli rikthehet te fitoret, e mposht Udinesen (Foto)
17.3.2019 - 20:55
Napoli është rikthyer te fitorja duke e mposhtur Udinesen me rezultat 4-2, në kuadër të xhiros së 28-të në Serie A.
Napoli e nisi mirë ndeshjen pasi kaloi në epërsi në minutën 17’ me Younes.
Vendasit e dyfishuan epërsinë në minutën e 26’ me Callejonin.
Udinese nuk u dorëzua dhe e barazoi rezultatin për gjashtë minuta me Lasganan edhe Fofanan.
Pjesa e parë u mbyll me rezultatin 2-2.
Në pjesën e dytë Napoli e riktheu epërsinë me Milikin në minutën e 57’.
Për rezultatin përfundimtar 4-2, shënoi Dries Mertens në minutën e 70’.
Pas kësaj fitoreje Napoli pozicionohet në vendin e dytë me 60 pikë, 15 pikë më pak se Juventusi që gjendet në vendin e parë.