![](https://kallxo.com/wp-content/uploads/2024/06/Te-shtena-me-arme-zjarri-ne-Prishtine-foto-KALLXOcom-5-640x480.jpg)
Vrasja në tentativë në Prishtinë, Policia gjeti 19 gëzhoja në vendngjarje
Një vrasje në tentativë ka ndodhur mbrëmë, më 13.06.2024, në lagjen “Bregu i Diellit” në Prishtinë.
Një grua, kalimtare e rastit, pësoi gërvishtje si pasojë e plumbave që u shkrepën, ndërsa persona të tjerë të lënduar nuk pati.
Policia e Kosovës në raportin 24-orësh njoftoi se në vendin e ngjarjes janë gjetur 19 gëzhoja plumbash.
Sipas këtij raporti “mbrëmë në 21:30 një burrë ka raportuar se i dyshuari pas një mosmarrëveshje me disa persona, e ka marrë armën AK 47 dhe pasi ka dal nga shtëpia ka shtënë me armë”.
Në raport thuhet se njësitet policore kanë gjetur dhe sekuestruar 19 gëzhoja në vendin e ngjarjes si dhe gjatë kontrollit në shtëpinë e personit të dyshuar janë gjetur disa fishekë, jelekë ushtarak dhe substanca narkotike.
Po ashtu u njoftua se në vendin e ngjarjes përveç njësive relevante policore ka dalur edhe prokurori. Personi i dyshuar ende gjendet në kërkim policor.
Të shtënat me armë në Prishtinë, kryeprokurori Gashi: Të dyshuarit janë identifikuar