Senati amerikan arrin marrëveshje për ndihmën kufitare dhe për Ukrainën
Senatorët amerikanë i kanë publikaur të dielën në mbrëmje detajet e një pakete të shumëpritur prej 118 miliardë dollarësh që e bën bashkë politikën federale të zbatimit në kufirin SHBA-Meksikë me ndihmën e kohës së luftës për Ukrainën, Izraelin dhe të tjerët.
Propozimi është shansi më i mirë për Joe Biden për ta forcuar pakësimin e ndihmës amerikane për Ukrainën gjatë kohës së luftës – një synim kryesor i politikës së jashtme amerikane.
Presidenti ukrainas Volodymyr Zelenskiy ka thënë se po e shqyrton zëvendësimin e disa zyrtarëve të lartë, përfshirë liderët shtetërorë. Në një intervistë për TV italian, Zelenskiy ka deklaruar se “një rivendosje është e nevojshme”, duke shtuar se “kam parasysh diçka serioze që nuk ka të bëjë me një person të vetëm, por drejtimin e udhëheqjes së vendit”.
Këto deklarime vijnë mes spekulimeve të vazhdueshme se presidenti do ta shkarkojë komandantin e ushtrisë së Ukrainës, Valerii Zaluzhnyi.
Ndërkohë, autoritetet ruse kanë thënë se 28 persona, përfshirë një fëmijë, vdiqën në bombardimet e së shtunës ndaj një furre buke në qytetin lindor të Ukrainës, Lysychansk, i cili është nën pushtimin rus. Sipas zyrtarëve, 10 persona të tjerë u shpëtuan nga nën rrënoja nga shërbimet e urgjencës.
Më shumë se njëzet njerëz, kryesisht gazetarë, u arrestuan të shtunën në një protestë në qendër të Moskës, ku gratë dhe të afërmit e tjerë të ushtarakëve rusë të mobilizuar për të luftuar në Ukrainë bënë thirrje për kthimin e tyre, sipas një dëshmitari të Reuters dhe raporteve të lajmeve të pavarura ruse.
Belgjika po u kërkon vendeve të G7 të marrin në konsideratë përdorimin e 260 miliardë eurove në asetet e sekuestruara ruse të mbajtura nga perëndimi si kolateral për kreditë për Ukrainën, sipas një raporti në Financial Times. Kjo do t’i shmangte pyetjet rreth ligjshmërisë së konfiskimit të plotë të aseteve, siç është konsideruar edhe nga aleatët e Ukrainës, sipas gazetës.
Kozmonauti rus Oleg Kononenko ka vendosur një rekord botëror për sasinë totale të kohës së kaluar në hapësirë të dielën. Që nga ora 8:30 GMT, Kononenko e tejkaloi bashkatdhetarin e tij Gennady Padalka i cili kaloi më shumë se 878 ditë në orbitë, sipas korporatës hapësinore të Rusisë, Roscosmos./The Guardian
Përgatiti: Nuhi Shala
