Rruga “ Miftar Hasani” në Smrekonicë hyn në karantinë

Kryetari i Vushtrrisë, Xhafer Tahiri ka  dhënë detaje  pas rastit të 8 në këtë komunë me  COVID-19.

Komuna ka njoftuar se personi i fundit i infektuar me virusin corona është nga fshati Smrekonicë.

Kryetari Tahiri ka njoftuar se rruga “ Miftar Hasani” në këtë fshat do të hyjë në karantinë me qëllim parandalimin e përhapjes së coronavirusit.

“Deri në një vendim tjetër, me rekomandim nga institucionet kombëtare, do të ndalohen hyrje daljet në rrugën “Miftar Hasani” në fshatin Smrekonicë, nga Policia e Kosovës”, ka thënë ai.

Tahiri bëri të ditur se janë duke punuar për gjetjen e personave që kanë pasur kontakt me të infektuarën.

“Shtabi Emergjent Komunal po ndihmon IKSHPK që të gjurmojnë të gjitha kontaktet e pacientes. Të gjitha hapësirat e institucioneve shëndetësore po dezinfektohen”, ka shtuar ai

Në Komunë e Vushtrrisë janë tetë përsona pozitv me virusin COVID-19.

Deri më tani në Kosovë janë 140 persona të infektuar me COVID-19, 23 të shëruar dhe 1 i vdekur.