Foto: Ilustrim
Prishtinë, vdes 29-vjeçari që u gjet i shtrirë në tokë
Një person i cili ishte gjetur i shtrirë në tokë në lagjen “Emshir” në Prishtinë ka vdekur.
Kështu ka bërë të ditur për KALLXO.com zëdhënësi i Policisë së Kosovës për rajonin e Prishtinës, Agron Borovci.
Borovci ka thënë se viktima është 29-vjeçar dhe se vdekja është konstatuar nga mjekët emergjentë.
“Rreth orës 10:00, kemi pranuar informatën për një person të lënduar (i shtrirë në rrugë), në lagjen “Emshir” në Prishtinë. Policia menjëherë ka dalë në vendin e ngjarjes si dhe mjekët emergjent të cilët e kanë dërguar për tretman mjekësor në QKUK, ku rreth orës 11:00, kanë konstatuar vdekjen e viktimës, mashkull, 29 vjeç”- ka thënë ai.
Sipas tij, Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit që do të ndihmonin hetimin e ngjarjes si dhe sqarimin e plotë të rastit.