Foto: Policia e Kosovës, Facebook
Policia në Prishtinë sekuestron 6 trotinetë
09.4.2024 - 20:54
Policia rajonale në Prishtinë ka sekuestruar 6 trotinetë për periudhën tre mujore dhe ka gjobitur ngasësit e biçikletave e të motoçikletave.
Krejt kjo është bërë duke u bazuar në Ligjin e ri për Rregullat e Trafikut Rrugor, i cili hyri në fuqi më 03.04.2024 e që ka ashpërsuar gjobat për shkelësit e rregullave në komunikacion.
“Gjobat janë shqiptuar për qarkullim nëpër sheshet e zonës qendër, ku qarkullimi i mjeteve të sipër shënuara është i ndaluar me ligj” – njofton Policia e Kosovës.
Në njoftim thuhet se zyrtarët policorë po vazhdojnë zbatimin e planeve operative për kontrollin e shtuar në trafik.
Policia bën thirrje për respektim të rregullave, jo vetëm për të shmangur ndëshkimet po edhe për të mbrojtur jetët e të gjithëve.