Paralajmërohet publikimi i dy raporteve të auditimit për RTK-në këtë javë
Gjatë kësaj javë pritet që të publikohen dy raportet e auditorit për Radio Televizionin e Kosovës (RTK) nga Zyra Kombëtare e Auditimit (ZKA).
Këtë e ka konfirmuar Auditorja e Përgjithshme, Vlora Spanca e cila gjatë ditës ishte në raportim në Komisionin për Mbikëqyrjen e Financave Publike.
Ajo ka njoftuar se janë duke u finalizuar dy raporte, raporti i pasqyrave vjetore financiare dhe ai i performancës.
“Është parapa në planin vjetor të auditimit edhe auditimi financiar i pasqyrave vjetore financiare për Radiotelevizionin e Kosovës e po ashtu edhe auditimi i performancës”, tha ajo.
Spanca shtoi se auditorët po i finalizojnë të dy raportet të cilat sipas saj i kanë dërguar në RTK për komente.
“Kemi marr konfirmimin për pajtueshmërinë e gjetjeve dhe rekomandimeve gjatë kësaj jave pritet t’i publikojmë dy raportet e auditimit”, shtoi ajo.