Një i plagosur nga të shtënat me armë zjarri në lagjen Arbëria
12.3.2020 - 16:07
Një person është plagosur pas të shtënave me armë zjarri në lagjen “Arbëria” në Prishtinë.
Rastin për KALLXO.com e ka konfirmuar edhe Policia e Kosovës.
Zëdhënësja e Policisë për rajonin e Prishtinës, Flora Ahmeti, ka thënë se i plagosuri është dërguar për trajtim mjekësor.
“Rreth orës 15:00 kemi marre informatën se ne lagjen Arbëria ne Prishtine, ka pas të shtëna me armë zjarri. Njësitet policore kane dal në vendin e ngjarjes dhe kane nisur një hetim lidhur me ketë rast”, ka thënë Ahmeti për KALLXO.com
Lidhur me ketë rast, aktualisht njësitet policore janë duke punuar në identifikimin dhe arrestimin e personave të përfshirë në këtë rast.