Nis dekorimi i shesheve të Prishtinës (Foto)
Sheshet kryesore të Prishtinës kanë filluar të dekorohen për festat e fundvitit.
Në fotot e KALLXO.com shihet se aty kanë filluar të vendosen dritat nëpër rrugët dhe sheshet kryesore.
KALLXO.com kishte shkruar se 12 mijë euro më pak se vitin e kaluar do shpenzohen sivjet për dekorimin e Prishtinës.
Komuna e Prishtinës ka nënshkruar kontratë tri vjeçare me vlerë prej 190 mijë euro me kompaninë private tregtare “Anea”.
Bazuar në dokumentin e ofruar nga komuna, 63 mijë e 333 euro janë ndarë për këtë vit për projektin e dekorimit të shesheve në kryeqytet.
Vitin e kaluar ishin ndarë 75 mijë euro për dekorimin e shesheve “Skenderbeu”, “Nënë Tereza”, “Adem Jashari” dhe “Zahir Pajaziti”.
Kompania kontraktuese ishte “Link Media Plus”. Ndërsa buxheti për vitin 2017 ishte 57 mijë e 940 euro me kompaninë “Anea”.
