Ilustrim
Gjuajti me armë zjarri në natën e Vitit të Ri, arrestohet 36-vjeçari në Ferizaj
05.1.2024 - 15:22
Policia e Kosovës e ka arrestuar sot një 36-vjeçar në Ferizaj.
I arrestuari dyshohet se natën e Vitit të Ri në rrugën “Shaban Elezi” kishte përdorur armë të zjarrit.
Njësia e Hetimeve e ka identifikuar të dyshuarin dhe sot e ka arrestuar.
Nga i dyshuari u sekuestrua arma e zjarrit si provë materiale dhe më pas ai u lirua në procedurë të rregullt hetimore.
Rasti është cilësuar si “Përdorimi i armës apo mjetit të rrezikshëm dhe mbajtje në pronësi të paautorizuar të armës”.