Ismajl Dibrani emërohet drejtor i Shërbimit Korrektues të Kosovës
Qeveria e Kosovës ka emëruar Ismajl Dibranin në pozitën e drejtorit të Shërbimit Korrektues të Kosovës, në kuadër të Ministrisë së Drejtësisë.
Dibrani deri tani ka qenë zëvendësdrejtor në këtë institucion.
Ai në pozitën e drejtorit është emëruar me mandat 4-vjeçar.
Ministri i Brendshëm, Xhelal Svecla tha se për këtë pozitë kanë aplikuar shtatë kandidatë.
“Në pajtim me dispozitat ligjore MPB ka zhvilluar procedurën e rekrutimit për ketë pozitë. Për pozitën drejtor i përgjithshëm i Shërbimit Korrektues të Kosovës kanë aplikuar 7 kandidatë, 4 kanë hyrë në listë të ngushtë, kandidatët fitues janë: Ismail Dibrani dhe Ridvan Hoti. Pas përzgjedhjes nga Ministria e Drejtësisë propozoj Ismail Dibranin për mandat 4-vjeçar”- tha Sveçla.
Shërbimi Korrektues i Kosovës për disa kohë ka qenë duke funksionuar me ushtrues detyre.
Shërbimi Korrektues i Kosovës me u.d drejtor të ri