Hapet thirrja për ndërtimin e shtëpive në veri, Qeveria miraton kërkesën e Ministrisë për 1 milion euro

Ministri i Pushtetit Lokal, Elbert Krasniqi, ka njoftuar se është hapur thirrja për ndërtimin e shtëpive në katër komunat veriore të Kosovës.

Sipas Krasniqit, në mbledhjen e 173-të të Qeverisë është miratuar kërkesa e MAPL-së për ndarjen e subvencioneve në vlerë 1 milion euro për ndërtimin e shtëpive në katër komunat veriore, pra në Mitrovicën e Veriut, Zubin Potok, Zveçan dhe Leposaviq.

“Zhvillimi i barabartë dhe krijimi i kushteve për banim të qëndrueshëm në secilën pjesë të Kosovës duke përfshirë edhe pjesën veriore është synim dhe parim i kësaj thirrje” – tha ministri.

Ai tregoi se thirrja është hapur sot, më 23 nëntor dhe mbetet e hapur deri më 2 dhjetor.

Detajet e aplikimit mund të gjenden KËTU.