Jorn Rohde - Foto: Fatrion Ibrahimi/Kallxo.com
Ambasadori gjerman përgëzon Kuvendin e Kosovës për miratimin e tri marrëveshjeve të Procesit të Berlinit
Ambasadori i Gjermanisë në Kosovë, Jorn Rohde ka përgëzuar Kuvendin e Kosovës për ratifikimin të tri marrëveshjeve të mobilitetit ku përfshihet lëvizja pa viza me Bosnjë dhe Hercegovinën, njohja e arsimit të lartë në Ballkanin Perëndimor dhe njohjen e kualifikimeve profesionale të mjekëve, dentistëve dhe arkitektëve.
Ambasadori përmes rrjetit Twitter u shpreh se këto marrëveshje sjellin përfitime për qytetarët e Kosovës dhe nxisin integrim rajonal të vende të Ballkanit në BE.
Rohde ka shtuar se Procesi i Berlinit po tregon rezultate.
“Përgëzime Kuvendit të Kosovës që ratifikoi kaq shpejt tri marrëveshjet e mobilitetit. Ato do të sjellin përfitime konkrete për qytetarët e Kosovës, do të nxisin masivisht integrimin rajonal të gjashtë vendeve të Ballkanit Perëndimor dhe do t’i sjellin një hap më afër BE-së. Procesi i Berlinit po tregon rezultate!”- shkroi ai.
Kudos to the Kosovar Parliament for ratifying the three mobility agreements so quickly. They will bring concrete benefits for KOS citizens, massively foster the regional integration of WEB6 and bring them one step closer to the EU. #BerlinProcess is showing results!
— Ambassador Jörn Rohde (@GermanAmbKOS) February 23, 2023
Nënshkrimi i këtyre 3 marrëveshjeve mes gjashtë shteteve të Ballkanit Perëndimor, Kosovës, Shqipërisë, Bosnjës, Maqedonisë së Veriut, Malit të Zi dhe Serbisë, vjen pas gati dy viteve negociata.
Procesi i Berlinit u themelua në vitin 2014 me iniciativën e ish-kancelares gjermane Angela Merkel.
Kjo iniciativë kishte qëllim krijimin e platformës për bashkëpunim të nivelit të lartë midis përfaqësuesve të lartë zyrtarë “Gjashtëshes së Ballkanit Perëndimor” ku bëjnë pjesë Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia.
Procesi përfshin gjithashtu institucionet e BE-së, institucionet financiare ndërkombëtare dhe shoqërinë civile të rajonit.
Kuvendi ratifikon marrëveshjen për lëvizjen me letërnjoftime me Bosnjë dhe Hercegovinën