Ardian Gjini. Foto: Komuna e Gjakovës
Transparenca e pjesshme e Gjinit për publikimin e vendimeve
Deklarata
Ardian Gjini: “Vendimet e Kryetarit do të publikohen menjëherë, vendimet e drejtorive menjëherë”.
Vlerësimi
Pjesërisht e vërtetë
Krypometri vlerëson se Ardian Gjini pjesërisht e ka përmbushur premtimin e tij për publikim të vendimeve të kryetarit dhe drejtorive. Vendimet e kryetarit janë publikuar, mirëpo jo edhe vendimet e drejtorëve të drejtorive komunale.
Artikulli
Kryetari i Komunës së Gjakovës, Ardian Gjini ka përmbushur premtimin parazgjedhor për transparencë në vendimet që i merr.
Ai në debatin para zgjedhjeve komunale të udhëhequr nga Jeta Xharra kishte premtuar se do të bëjë publikimin e vendimeve të Kryetarit të Komunës posa të zgjedhet Kryetar.
“Vendimet e Kryetarit do të publikohen menjëherë”, kishte thënë Gjini. Në webfaqen e komunës gjenden të renditura vendimet e Kryetarit të Komunës
Por, Komuna e Gjakovës nuk po i publikon vendimet e drejtorive, siç ka premtuar kryetari Gjini.
Ai në debatin para zgjedhjeve komunale të udhëhequr nga Jeta Xharra kishte premtuar se do të bëjë publikimin e vendimeve të drejtorive komunale.
“Vendimet e drejtorive [publikohen] menjëherë” , kishte thënë Gjini. Komuna e Gjakovës nuk ka bërë publikimin e vendimeve të drejtorive komunale.
