Huqja e lokacionit të fshatit
Deklarata
Ky është fshatĭ ĭ Kosovës që toka punohet vetëm nga gratë (VIDEO)
Vlerësimi
Pjesërisht e vërtetë
Titulli i artikullit “Ky është fshatĭ ĭ Kosovës që toka punohet vetëm nga gratë (VIDEO)” është i rremë. Fshati Mustafaj nuk gjendet në Kosovë. Mustafaj është fshat në rajonin e Kukësit në Shqipëri.
Artikulli
Më 26 qershor 2023 faqja “Dubsmash Shqip” publikoi një artikull me video të titulluar “Ky është fshatĭ ĭ Kosovës që toka punohet vetëm nga gratë (VIDEO)”.
Brenda shkrimit është shtuar një video e një kronike të realizaur nga televizioni ATV për punën gjatë verës në një fshat në Shiqpëri.
As në titullin e videos e ATV-së, por as në përshkrim nuk është thënë se fshati gjendet në Kosovë.
Lajmi se fshati është në Kosovë është shpërndarë edhe në “Maringlen”, “Gazeta e Kosovës”, “Gazeta Dardania”, “Kosova Info”.
Raportimi më këtë titull në këto faqe ka marrë shumë reagime, komente e shpërndarje.
KALLXO.com ka gjetur se Mustafaj është fshat në rajonin e Kukësit në Shqipëri e jo në Kosovë, si është raportuar.
Të njëjtën të dhënë, KALLXO.com e ka konfirmuar edhe në dokumentet zyrtare të Komunës së Kukësit. Fshati Musafaj gjendet në kuadër të njësive administrative të Komunës së Kukësit.
Lajmi i publikuar se fshati gjendet në Kosovë ka marrë shumë reagime, pasi titulli i artikullit thotë se tokat punohen vetëm nga gratë.