VIDEO - Ramush Haradinaj dëshmon për deportimin e ‘gylenistëve’
Kryeministri i Kosovës Ramush Haradinaj ka pranuar ftesën për të raportuar në Komisionin Parlamentar për hetimin e rastit të deportimit të gjashtë shtetasve turq në mars të këtij viti.
Në një ditë më Haradinajn ishte planifikuar që të intervistohet edhe Presidenti Hashim Thaçi por kryetari i këtij komisioni Xhelal Sveçla tha se nga ana e presidentit nuk kanë marrë asnjë përgjigje në lidhje me raportimin e tij.
Presidenti është tash e disa ditë në një vizitë në ShBA.
Anëtari i Komisionit Muharrem Nitaj (AAK) tha se pjesa e intervistimit të presidentit mbetet në ditët e radhës.
Anëtari tjetër Hajdar Beqa (PDK) kërkoi që të hiqet nga rendi i ditës pika për raportimin e Presidentit.
“Ta aprovojmë rendin e ditës së bashku me pikat e rendit, presidenti të intervistohet kur të kthehet dhe në përputhje me agjendën e tij. Le të hiqet nga rendi i ditës intervistimi i Presidentit pasi që ai nuk është në Kosovë”, tha Beqa.
