Vdes e aksidentuara e dytë në 'Rrugën B'
Ka vdekur edhe e aksidentuara e dytë nga aksidenti i cili ka ndodhur më 22 tetor në “Rrugën B”, në Prishtinë.
Lajmin për KALLXO.com e ka konfirmuar zëdhënësja e policisë në rajonin e Prishtinës, Florie Ahmeti.
“Rreth orës 17:30 e kemi pranuar informatën nga QKUK se ka ndërruar jetë viktima e dytë F.R, 23 vjeçare”, tha Ahmeti për KALLXO.com
Në aksidentin që ka ndodhur më 22 tetor, një veturë e tipit BMW kishte goditur dy këmbësore.
E aksidentuara e parë L.A, 30 vjeçare kishte vdekur rreth orës 22:10 në ditën kur kishte ndodhur aksidenti.
https://kallxo.com/vdes-njera-nga-dy-te-aksidentuarat-ne-rrugen-b/
Gjykata Themelore në Prishtinë me 24 tetor i ka caktuar masën e paraburgimit për një muaj shoferit të automjetit i cili goditi dy këmbësoret.
https://kallxo.com/paraburgim-vozitesit-per-aksidentin-ne-rrugen-b-ku-vdiq-nje-vajze/
KALLXO.com ka raportuar për aksidentin në “Rrugën B”.
https://kallxo.com/vetura-godet-dy-gra-ne-rrugen-b/