Foto-ilustrim
Prokuroria kërkon paraburgim për të dyshuarin për krime lufte, Goran Stanishiq
Prokuroria Speciale e Kosovës ka kërkuar paraburgim për të dyshuarin për krime lufte ndaj popullatës civile në Kosovë, Goran Stanishiq.
Seancë për vendosjen lidhur me këtë masë, ishte e mbyllur për publikun.
Goran Stanishiq, ishte arrestuar para dy ditëve si i dyshuar se gjatë periudhës kohore, 15 dhe 16 prill 1999, në bashkëkryerje me të pandehurit tjerë pjesëtarë të njësive rezervë të njësive ushtarake dhe policore të Serbis me përdorimin e forcës ushtarake, dhunës, plaçkitjes dhe frikësimit, fillimisht kanë dëbuar popullsinë civile shqiptare nga shtëpitë e tyre.
Më pas, sipas prokurorisë pastaj nga familjet të cilat ishin duke u përpjekur që të largohen nga sulmet dhe dhuna, të pandehurit i kanë ndarë dhjetëra persona, të cilët pastaj i kanë vrarë.
Me këto veprime i pandehuri Goran Stanishiq, sipas pretendimeve të Prokurorisë dyshohet se në bashkëkryerje me të pandehurit e tjerë ka kryer veprën penale “Krime Lufte kundër popullsisë civile”.
Pasdite, pritet të merret vendimi lidhur me kërkesën e Prokurorisë Speciale nga Gjykata themelore e Prishtinës.
Kallxo.com ka raportuar edhe më parë për arrestimin e Goran Stanishiq.
https://kallxo.com/arrestohet-nje-i-dyshuar-per-krime-lufte-ndaj-popullates-shqiptare-ne-lipjan-gjate-vitit-1999/?fbclid=IwAR3002smID0obN-tKL4D4jrUEWBMjA3uYORS98ok-fg_1ptD_9DnLd6O5U0