Pas raportimit të qytetarit në KALLXO.com, ATK gjen parregullsi në biznesin e fotografisë
Pas pranimit të informacionit nga KALLXO.com se një biznes i cili merret me fotografim po i shmanget detyrimeve tatimore, dy inspektorë të ATK-së dolën në terren dhe kryen kontrollin.
Kontrolli rezultoi me gjetjen e parregullsive.
Informacioni i qytetarit se ky biznes po i shmanget obligimeve tatimore doli të jetë i saktë, pasi gjatë kontrollit inspektoret konstatuan se biznesi në fjalë nuk mbanë fare libra të shitjes.
Inspektorët gjetën se biznesi i fotografive nuk mbante regjistrat si duhet dhe pas përfundimit të kontrollit dhe konstatimit të gjendjes në teren rasti u procedua për në zyrën e ndëshkimeve tatimore “ZGJONA”.
Raportimet e qytetarëve rezultuan në konstatimin e parregullsive edhe në një restorant në Mitrovicë.
KALLXO.com inkurajon qytetarët që t’i raportojnë të gjitha rastet në të cilat qytetarët hasin në parregullsi, me qëllim që të luftohet korrupsioni, evazioni fiskal dhe ekonomia joformale
