Pal Lekaj në Zvicër, përderisa deputetët mblidhen për të folur për monopolin e homologimit
Deputetët e Kosovë do të mblidhen nesër për të diskutuar vendimet qeveritare që quan në një monopol të homologimit të automjeteve.
Në këtë diskutim do të mungojë. Ministri i Infrastrukturës i cili ka nxjerrë edhe Udhëzimin Administrativ që i garanton licencën për homologim vetëm kompanisë “Eurolab”.
Kjo seancë ishte thirrur nga deputetët e opozitës.
Ministri i Infrastrukturës, Pal Lekaj është duke qëndruar në Gjenevë të Zvicrës në një diskutim për të arriturat e Kosovës në infrastrukturë dhe transport.
“Ministri Lekaj po qëndron në Gjenevë të Zvicrës, me ftesë nga Crans Montana Forum, ku do të jetë edhe njëri nga panelistët e sesioneve, për të treguar të arriturat e Kosovës në infrastrukturë dhe transport. Në Kosovë, Lekaj do të kthehet të shtunën, kur forumi mbyllë punimet”, tha për KALLXO.com, zëdhënësja e ministrisë, Fillojeta Konjuhi.
Nga ministria thonë se konfirmimin për pjesëmarrjen në këtë aktivitet, ministri Lekaj e ka bërë para disa muajve.
“Konfirmimin për pjesëmarrje në këtë aktivitet, Lekaj e ka bërë para disa muajve, ndërsa për seancë jemi njoftuar, vetëm pas arritjes në Gjenevë. Lekaj është i gatshëm të marrë pjesë në seancë pas kthimit kurdo”, tha Konjuci për KALLXO.com.
Emisioni Drejtësia në Kosovë përmes një hulumtimi të gjerë e kishte ngritur këtë shqetësim qysh në maj të vitit të kaluar.
Hulumtimi i DnK-së tregon për rrezikun që po i kanoset tregut të lirë nga ky Udhëzim Administrativ.
Drejtësia në Kosovë kishte publikuar hulumtimin se Udhëzimi Administrativ i nxjerrë nga Ministria e Infrastrukturës bie ndesh me Ligjin për Mbrojte të Konkurrencës dhe shpie në pabarazi.
Vetëm një vit më paë, kur edhe zyrtarët e BE-së në Kosovë kërkuan nga deputetët të marrin masa, kjo çështje ka filluar të diskutohet.
Ministri Lekaj, gjatë raportimit të djeshëm, deklaronte se përgjegjës për vazhdimin e licencës për kompaninë Eurolab është qeveria e kaluar e drejtuar nga Isa Mustafa dhe koalicioni PDK-LDK që kishin miratuar ligjin për automjete.
Më poshtë mund ta gjeni hulumtimin e emisionit “Drejtësia në Kosovë” të publikuar në maj të vit të kaluar.
