Ilustrim
Në Polac të Skenderajt gjuan me armë në festën familjare dhe arratiset
25.1.2019 - 10:40
Një revole e tipit “Zoraki” është konfiskuar dje në fshatin Polac të Skenderajt.
Kjo armë sipas policisë dyshohet të jetë përdorur nga një person i dyshuar i cili kishte shtënë me të gjatë një ahengu familjar.
Policia ka njoftuar se njësitet policore në vendin e ngjarjes në cilësinë e provave materiale kanë gjetur dhe konfiskuar shtatë gëzhoja të armës së zjarrit, dhe arma e cila është konfiskuar nga familjarët e të dyshuarit.
Të dyshuarit i është lënë ftesë që të paraqitet në stacionin policor, pasi që i njëjti nuk është takuar në shtëpi.
Me vendim të prokurorit rasti vazhdon në procedurë të rregullt.