RTK - Foto: Atdhe Mulla
Komisioni Vazhdon Shqyrtimin e Draftligjit për Transmetuesin Publik
Sot gjatë mbledhjes së Komisionit për Administratë Publike dhe Qeverisje Lokale, anëtarët e këtij komisioni kanë vazhduar t’i shqyrtojnë propozimet për hartimin e draftligjit për transmetuesin publik të Kosovës, RTK.
Në këtë mbledhje anëtarët kanë diskutuar edhe për mandatin e drejtorit gjeneral të transmetuesit Publik të Kosovës.
Anëtari i këtij komisioni nga radhët e AAK-së, Rasim Selmanaj, propozoi që të saktoësohet mandati i drejtorit gjeneral me 7 vite pa mundësi rizgjedhje.
“Është mirë me u saktësu, mos me pas të drejtë rizgjedhje më drejtori. Nëse e saktësojmë vetëm për një mandat është më mirë. Unë personalisht jam për 7 vjet mandat pa mundësi rizgjedhje”, tha ai.
Ndërkaq, Shqipe Pantina, nga Grupi i Deputetëve të Pavarur, propozoi që mandati të jetë për 4 vite.
Ndërkaq, kryetari i Komisionit Nait Hasani (PDK) tha se duhet ta lënë 5 vjet me mundësi rizgjedhje.
Në nenin 26 pika 1 u vendos qe drejtori gjeneral duhet te zgjidhet nga Bordi në bazë të konkursit publik. Kohëzgjatja e mandatit të jetë 5 vjeçar me mundësi rizgjedhje.
Punimet e këtij komisioni do të vazhdojnë të enjten në ora 10:00.