Haradinaj: Miratimi i agjendës ERA jetik për të ardhmen e Kosovës
Kryeministri i Kosovës, Ramush Haradinaj, ka mbajtur takim me zyrtarët e Nivelit të Lartë për Sundimin e ligjit.
Me ç’rast është biseduar për Agjendën e Reformave evropiane dhe miratimin e saj në Kuvend.
“Kosova duhet t’i intensifikojë veprimet që ndërlidhen me përafrimin me BE-në. Pakoja e ligjeve, që buron nga Agjendën e Reformave Evropiane, dhe shtyrja përpara e saj për miratim në Kuvend”, ka thënë Haradinaj në Facebook.
Sipas tij miratimi i kësaj pako duhet të ndodhë shumë shpejtë sepse është e rëndësishme për rrugën evropiane të Kosovës.
“Meqenëse, kjo pako legjislative, që fuqizon shtetin ligjor, ka ndikim direkt në liberalizimin e vizave dhe avancon Kosovën në rrugëtimin drejt BE-së, është jetike që të lëvizim shpejt përpara për përmbushjen e kësaj agjende shtetërore”, ka thënë Haradinaj.
