Gjenden dy mjete shpërthyese në Ferizaj
19.3.2019 - 10:36
Dy mjete shpërthyese janë gjetur gjatë ditës së djeshme në Ferizaj.
Mjeti i parë është gjetur në rrugën “Brahim Ademi”, në Ferizaj, ku një person ka raportuar se ka hasur në një mjet shpërthyer.
Policia ka njoftuar se njësitet policor kanë bërë sigurimin e vendin të ngjarjes, ndërsa njësiti për deminim i FSK-së e ka tërhequr mjetin shpërthyes në mënyrë të sigurt.
Mjeti i dytë është gjetur pasdite, në fshatin Softaj të Ferizaj, ku një person ka raportuar se ka hasur në mjet shpërthyes.
Edhe në këtë rast, njësiti policor ka bërë sigurimin e vendin të ngjarjes, ndërsa njësiti për deminim i FSK-së e ka tërhequr mjetin përthyer në mënyrë të sigurt.
Në të dy rastet nuk raportohet për persona të lënduar.