Eliot Engel në Gjakovë, vendos lule para pllakës përkujtimore të mikut të tij të ndjerë Tom Lantos
05.7.2019 - 20:29
Kongresisti Eliot Engel sot ka vizituar Gjakovën dhe ka vendosur kurora me lule dhe ka nderuar pllakën përkujtimore në sheshin që mban emrin e mikut të tij, kongresistit të ndjerë Tom Lantos.
Në njoftimin e Kuvendit Komunal të Gjakovës thuhet se Engel deklaroi se Kosova e ka nderuar atë dhe bashkëpunëtorët e tij, përmes emërimit të rrugëve dhe shesheve të ndryshme me emrat e tyre.
Në anën tjetër, kryetari i komunës së Gjakovës, Ardian Gjini, ka thënë se kjo vizitë është një ditë feste për Gjakovën.
Sipas tij, qytetarët e Gjakovës e vlerësojnë tej mase angazhimin dhe kontributin e miqve amerikanë në ditët më të vështira për këtë qytet.