Gjykata Themelore e Prishtinës - Foto: KALLXO.com
Burg dhe Gjobë për Terrorizëm
Gjykata Themelore në Prishtinë u shqiptoi sot dënime me burg Kastriot Halimit e Dardan Kërqelit, ndërsa e gjobiti Hajrullah Aliun.
Të tre akuzoheshin për vepra që lidhen me terrorizmin.
Kastriot Halimi u dënua me 4 vjet e 6 muaj burg, ndërsa Dardan Kërqeli me 3 vjet e gjashtë muaj.
Gjykata Hajrullah Aliut ia shqiptoi gjobën prej 3 mijë e 500 eurosh.
Kastriot Halimi akuzohej për rekrutim në terrorizëm, ndërsa Dardan Kërqeli për lehtësim në kryerjen e kësaj veproje penale.
Hajrullah Aliu ngarkohej për moslajmërim të veprës penale.
Sipas aktakuzës së Prokurorisë Speciale, Kastriot Halimi akuzohej se ka ndihmuar disa persona të shkojnë në Siri e t’i bashkohen organizatave ISIS dhe “Al-Nusra”.
Gjithnjë sipas aktakuzës, i akuzuari Halimi në shkurt të vitit 2015 i kishte dhënë një të mituri 50 euro për nxjerrjen e dokumenteve personale, pasaportës dhe pastaj edhe 250 euro për biletë të aeroplanit nga Prishtina për në Stamboll e pastaj deri në kufi me Sirinë.
Të tre të dënuarit e kishin pranuar fajësinë gjatë procesit gjyqësor.
KALLXO.com shkroi edhe për dënime tjera të të akuzuarve për rekrutim në terrorizëm.
http://kallxo.com/denim-per-terrorizem/
http://kallxo.com/denohet-zeqirja-qazimi/