Avdullah Hoti - Foto: Facebook
Avdullah Hoti drejtë një mandati të ri në degën e LDK-së në Rahovec
Shefi i Grupit Parlamentar të Lidhjes Demokratike të Kosovës, Avdullah Hoti ka bërë të ditur se do t’i hyjë garës për të parin e degës në Komunën prej nga vjen vet.
Në një postim në rrjetin social “Facebook”, Hoti tha se me kërkesë të aktivistëve do të kërkoj besimin për ta udhëhequr degën e LDK-së në Rahovec edhe për një mandat.
“Me kërkesë të shumë bashkëpunëtorëve dhe aktivistëve, përfshirë nëndegën time në Ratkoc, unë do të kërkoj besimin e delegatëve për të udhëhequr Degën e LDK-së në Rahovec edhe për një mandat”, shkroi ai në “Facebook”.
Ai, po ashtu tha se do t’i zgjedhin aktivistët më të devotshëm të kësaj partie nëpër strukturat e degës.
“Na presin shumë punë përpara. Besimi i qytetarëve në LDK po forcohet çdo ditë. Kjo është përgjegjësi për ne, për LDK-në si partia më e vjetër në Kosovë që ka vënë themelet e shtetit të Kosovës. Duhet të përgatitemi për të marrë përsipër sfidat e forcimit dhe zhvillimit të shtetit të Kosovës. Do të zgjedhim aktivistët më të devotshëm dhe më të përkushtuar në strukturat e larta të Degës”, deklaroi ai.
Kujtojmë që Hoti ishte edhe kandidat për Kryeministër të Kosovës në zgjedhjet e fundit nacionale nga radhët e LDK-së.
Ky është postimi i plotë i Avdullah Hotit:
“Pas përmbylljes me shumë sukses të zgjedhjeve në 39 nëndegë në kuadër të Degës së LDK-së në Rahovec, të enjten e mbajmë Kuvendin Zgjedhor të Degës, ku zgjedhet Kryetari dhe Kryesia e Degës.
Me kërkesë të shumë bashkëpunëtorëve dhe aktivistëve, përfshirë nëndegën time në Ratkoc, unë do të kërkoj besimin e delegatëve për të udhëhequr Degën e LDK-së në Rahovec edhe për një mandat.
Na presin shumë punë përpara. Besimi i qytetarëve në LDK po forcohet çdo ditë. Kjo është përgjegjësi për ne, për LDK-në si partia më e vjetër në Kosovë që ka vënë themelet e shtetit të Kosovës. Duhet të përgatitemi për të marrë përsipër sfidat e forcimit dhe zhvillimit të shtetit të Kosovës. Do të zgjedhim aktivistët më të devotshëm dhe më të përkushtuar në strukturat e larta të Degës.”
