Ilustrim
Arrestohen dy persona për prodhim dhe shitje të narkotikëve
09.1.2019 - 10:03
Dy persona janë arrestuar dje nga Policia e Shtetit në Shqipëri nën dyshimin për kryerjen e veprës penale “prodhim dhe shitje e lëndëve narkotike e kryer në bashkëpunim”.
Policia e Shtetit ka njoftuar se Departamenti për Hetimin e narkotikëve në bashkëpunim me Njësitin e Forcave Operacionale, në kuadër të operacionit policor të koduar “Open” ,ka arrestuar dy të dyshuarit në flagrancë.
Të dyshuarit janë zënë në flagrancë me lëndën e dyshuar narkotike e llojit kanabis, e cila është sekuestruar në cilësinë e provës materiale.
Në njoftim thuhet se materialet procedurale do t’i kalojnë Prokurorisë pranë Gjykatës së Shkallës së Parë në Tiranë, për veprime të mëtejshme