Ambasadori i Norvegjisë | Foto: Facebook
Ambasadori: Konsensusi i partive shpejton progresin
Ambasadori i Norvegjisë në Kosovë Per Strand Sjaastad tha se konsensusi i partive politike mund ta shpejtojë progresin e Kosovës.
“Progresi do të jetë më i shpejtë mes konsensusit mes partive politike”, tha Sjaastad.
Ambasadori tregoi cilat gjëra do t’ia hapin rrugën Kosovës.
“Marrëdhëniet me Serbinë dhe luftimi i korrupsionit. Adresimi me sukses i këtyre dy çështjeve do të hapë rrugë në gjithë sektorët”, porositi Sjaastad.
Ai parashikoi çfarë do t’i ndodhë Kosovës në dekadën e ardhshme.
Në dekadën e ardhshme Kosova duhet ta përmbyllë kapitullin e tranzicionit. Duhet ta ndërtojë në kapitull të ri”, tha ambasadori norvegjez.
Ai deklaroi se Kosova ka nevojë për institucione të forta.
“Kosova ka burra e gra të fuqishme e të zotë, gjithashtu ka nevojë për institucione të forta. Kosova besoj se ka zotësi”, tha ambasadori Sjaastad.
Ai ishte pjesë e një konference ku u fol për dekadën e ardhshme të Kosovës.