Nga një përleshje e mëhershme mes tifozëve | Foto: KALLXO.com
13 të Arrestuar në Ndeshje Futbolli
Janë arrestuar 13 persona në ndeshjen mes “Lirisë” e “Dritës” të zhvilluar në Prizren.
Policia ka njoftuar se personat e arrestuar kanë hedhur gurë në drejtim të referit dhe policisë pas ndërhyrjes së tyre.
Si pasojë e kësaj përleshjeje, katër policë kanë pësuar lëndime trupore dhe janë dërguar në tretman mjekësor.
“Janë arrestuar trembëdhjetë (13) të dyshuar meshkuj , pasi që të njëjtit gjatë ndeshjes futbollistike kanë hedhur gurë në drejtim të referit anësor e më pastaj pas ndërhyrjes së policisë edhe në drejtim të tyre”, thuhet në raportin policor.
Të arrestuarve sipas policisë u është caktuar ndalimi policor.
Në shkurt të këtij viti KALLXO.com raportoi edhe për rrahjen mes grupeve të tifozëve “Torcida” e “Plisat” pas ndeshjes së basketbollit Trepça-Prishtina.
http://kallxo.com/perleshje-tifozesh-ne-mitrovice-4-police-te-lenduar/