Ilustrim
Dyshime për sulm me mjete të forta, policia arreston dy persona në Prishtinë
12.2.2024 - 11:42
Dy persona janë arrestuar pas një përleshje fizike në Prishtinë.
Policia njofton se pas marrjes së një informate për një përleshje fizike, njësitet policore kanë dalë në vendin e ngjarjes dhe kanë hasur viktimën dhe dy të dyshuarit.
“Në vendin e ngjarjes është konfiskuar një mjet i fortë”- ka thënë Policia.
Viktima dhe njëri nga të dyshuarit, sipas policisë kanë pranuar tretman mjekësor.
Dy të dyshuarit janë arrestuar dhe me vendim të prokurorit dërgohen në mbajtje.