NBA thyen rekordin e të gjitha kohërave, mbi 22 milionë shikues në sezonin 2022-2023

NBA ka vendosur një rekord të ri për pjesëmarrje të tifozëve dhe shitje të biletave në sezonin e rregullt 2022 – 2023. Ky sezon shënon vetëm herën e dytë në historinë e NBA që frekuentimet totale të tifozëve i kaluan 22 milionë.

NBA vendosi rekorde për pjesëmarrjen totale, pjesëmarrjen mesatare, përqindjen e kapacitetit dhe shitjet në sezonin e rregullt 2022-23. Një rekord prej 791 shitjesh thyen shifrën e mëparshme prej 760 të vendosura gjatë sezonit 2018-19 dhe arenat u mbushën me një kapacitet prej 97 përqind.

Shifra totale e pjesëmarrjes në ligë prej 22,234,502 ka thyer rekordin e mëparshëm prej 22,124,559 të vendosur në sezonin 2017-18. Ky sezon shënon vetëm herën e dytë në historinë e NBA që frekuentimet totale i kaluan 22 milionë. Për herë të parë, ekipet kishin mesatarisht më shumë se 18,000 tifozë (18,077).

Numri më i lartë total i frekuentimit të sezonit të rregullt në NBA

2022-23 22,234,502
2017-18 22,124,559
2016-17 21,997,412
2015-16 21,972,129
2018-19 21,964,447

Frekuentimi mesatar më i lartë i NBA në sezonin e rregullt

2022-23 18,077
2017-18 17,987
2016-17 17,884
2015-16 17,864
2018-19 17,857

Passezoni i NBA 2023 nis me turneun AT&T NBA Play-In nga e marta, 11 prill deri të premten, 14 prill.

Playoff-et e NBA të prezantuara nga Google Pixel fillojnë të shtunën, më 15 prill dhe kulmojnë me finalet e NBA të prezantuara nga YouTube TV në qershor.