A ka ndonjë alternativë të shëndetshme ndaj patatinave klasike?
Patate të skuqura të bëra nga panxhari, bizelet, majdanozi dhe karotat shpesh perceptohen si një variant më i shëndetshëm në krahasim me patatinat, dhe prodhuesit e ushqimeve të tilla reklamojnë me mesazhet “më pak yndyrë” ose “më shumë proteina”. Por kur një konsumator hap një qese me patate të skuqura perimesh duke besuar se ka arritur për një opsion më të shëndetshëm, ai do të kuptojë se kjo nuk është e vërtetë.
Shijuesit e produkteve nga Zyra për Mbrojtjen e Konsumatorit të shtetit federal gjerman të Rhine-Westphalia (Verbraucherzentrale NRW) i kanë testuar 12 patate të skuqura të ndryshme të bëra nga panxhari, majdanozi, patate të ëmbla, thjerrëza dhe bizele.
Gjetja e parë është se prodhuesit e patateve të skuqura të bëra nga bishtajore si bizelet ose thjerrëzat shpesh promovojnë produktet e tyre duke reklamuar përmbajtjen e tyre të ulët të yndyrës. Megjithatë, adhuruesit e ushqimeve të tilla nuk duhet të presin që të konsumojnë më pak kalori duke konsumuar produkte të tilla.
Patate të skuqura me thjerrëza ose fasule përmbajnë mesatarisht 450 kilokalori për 100 gram, dhe e njëjta sasi patatesh përmban 540 kcal. Diferenca mesatare është rreth 17 për qind më pak kalori, që është shumë pak në krahasim me pritshmëritë e konsumatorëve që priren të kërkojnë ushqime më të shëndetshme.
Patate të skuqura perimesh kanë një mesatare prej 510 kcal për 100 gram, që është shumë afër patatinave të patates. Përveç kësaj, disa lloje perimesh përmbajnë edhe më shumë yndyrë se patatet e skuqura, kanë treguar studimet.
Prodhuesit e patatinave me perime nuk e kursejnë kripën në krahasim me patatet e skuqura.
Studimi nuk është i pari që tregon se zgjedhja e një alternative për patatinat nuk do të thotë ushqim më i shëndetshëm.
Hulumtimi tregon se konsumatorët që duan ushqim më të shëndetshëm nuk duhet të udhëhiqen nga mesazhet për ushqimin e shëndetshëm të shkruar në paketim kur blejnë, por duhet ta kontrollojnë informacionin për sasinë e kripës dhe yndyrës, shpesh të shkruara me shkronja të vogla.
Edhe pse patatet e skuqura alternative sjellin shumëllojshmëri, ato ende nuk janë të përshtatshme për ushqim optimal, thotë Katrin Böttner, nutricioniste në Qendrën e Këshillimit të Konsumatorëve.
Për këtë arsye, patatinat e bëra nga perime të ndryshme duhet të trajtohen në të njëjtën mënyrë si patatinat, që do të thotë – mos e teproni.
Një mënyrë që të çon në moderim është të mos hani patate të skuqura direkt nga çanta, por ta mbushni tasin me to dhe më pas ta vendosni qesen jashtë syve, këshillojnë ekspertët./Dnevnik.hr
Përgatiti: Nuhi Shala
