Rritet numri i viktimave nga zjarret në Kaliforni

Edhe 13 trupa të pajetë u gjetën në Kaliforni, duke çuar në 42 numrin e të vdekurve nga zjarret në këtë shtet amerikan.

Trupat u gjetën në dhe përreth qytetit të prekur më së keqi – Paradise.

Së paku 228 njerëz figurojnë të zhdukur derisa zjarret vazhdojnë të përhapen, tha sherifi i qarkut, Kory Honea.

Rreth 7,200 struktura janë shkatërruar, ndërsa rreth 250,000 njerëz janë detyruar të ikin nga shtëpitë e tyre në të gjithë shtetin.

Zjarret u përshkruan si të më të këqijat në historinë e Kalifornisë.

Historikisht, “stina e zjarreve” në Kaliforni fillonte në verë dhe zgjaste deri në vjeshtën e hershme, por ekspertët tani paralajmërojnë për rrezik gjatë gjithë vitit.

Kushtet e motit dhe ndryshimet klimatike shihen si shkaktarët kryesorë.

13 Nëntor 2018 - 12:32

REL 13/11/2018 - 12:32
NDËRVEPRIMI0
Prishtina Insight
NA NDIQNI

Send this to a friend