Pishina olimpike në Prizren po ndërtohet sipas planit

Ministria e Kulturës, Rinisë dhe Sportit, si dhe Drejtoria e Kulturës, Rinisë dhe Sportit në Prizren ka inspektuar punimet në pishinën olimpike

Sipas inspektimeve të bëra punimet janë duke u zhvilluar sipas planit dinamik

“Punimet për ndërtimin e Pishinës të mbuluar Olimpike janë duke u zhvilluar sipas planit dinamik.

Për inspektimin e punimeve në vendin e ngjarjes kanë qenë të pranishëm të gjithë akterët e projektit – përfaqësues nga organi mbikëqyrës, hartuesi i projektit, Ministria e Kulturës, Rinisë dhe Sportit, si dhe Drejtoria e Kulturës, Rinisë dhe Sportit”, thuhet në komunikatën e Komunës së Prizrenit.

Shpenzimet për kulturë, rini dhe sport janë planifikuar që të rriten për 36 për qind për vitin 2018. Nga 25.1 milionë euro sa janë shpenzuar deri në fund të vitit 2017, në vitin 2018 janë planifikuar të shpenzohen 39 milionë euro.

Nga to, rreth 500 mijë euro pritet të shpenzohen për ndërtimin e pishinës olimpike në Prizren.