Shoshi humbet parakualifikimet e “Eurobasket 2021”

Njëri nga basketbollistët kryesor të Kosovës, Lis Shoshi, është lënduar në ndeshjen e parë miqësore ndaj Shqipërisë dhe si pasojë do të mungojë në takimet parakualifikuese “Eurobasket 2021”.

Këtë e ka bërë të ditur Federata e Basketbollit, ku tha se Shoshi është lënduar në krahun e djathtë, derisa mjekët kanë konstatuar se ai nuk do të jetë në gjendje të luajë në përballjet me Luksemburgun dhe Britaninë e Madhe, që zhvillohen nga 3 deri më 21 gusht.

Tutje thuhet se ai do të mungojë në parakualifikime, kurse gjendja e tij do të vlerësohet më tutje, se sa do të jetë jashtë parketit.

Shoshi gjatë kësaj vere nënshkroi kontratë me skuadrën e njohur gjermane s.Oliver Würzburg.